FORMACIÓN DO PROFESORADO

Docentes e alumnos Makers

Charla-coloquio en Vigo o venres 25 de xaneiro de 2019, de 19.00 h a 20.30 h.

robot

AFORO COMPLETO. Sentímolo, a inscrición está pechada para esta actividade.

¿Gústache a tecnoloxía, a robótica, a impresión 3D, a programación…? ¿Tes un proxecto maker e queres compartilo cos teus alumnos? Nós queremos que coñezas as posibilidades que ofrece a cultura maker nos contextos educativos; queremos axudarche a resolver dúbidas e animarte neste apaixoante reto.

Ensinar e aprender facendo

Existen ferramentas de moitos tipos, con alto potencial e pensadas para tódolos públicos. Impresoras 3D, robótica, cortadoras láser, fresadoras… Máquinas que conforman un novo “ecosistema tecnolóxico” que podemos poñer ó servicio da docencia, para levar adiante unha idea propia, de maneira autónoma, a través dun proceso creativo e dun proceso de fabricación.

Aproveitar o caudal de oportunidades que brinda a tecnoloxía ós centros educativos, xa dende as primeiras etapas, é posible. Profesores e alumnos poden ser makers. A tecnoloxía pode xogar a favor da extensión dun modelo de ensinanza baseado na aprendizaxe manipulativa e na implicación directa do alumnado no desenvolvemento dos seus propios proxectos.

Para ser un docente maker non é preciso ser profe de tecnoloxía, pero si contar co apoio e colaboración deste departamento dentro do centro educativo.

Por todo isto, a Fundación Escola Rosalía organiza coa colaboración de A Industriosa esta xornada de portas abertas:

  • Se es profe de matemáticas, de plástica, de física e química, de xeografía e historia, de música, de ciencias… e ESTÁS INTERESADO NA TECNOLOXÍA MAKER
  • Se cres no TRABALLO COLABORATIVO e na COOPERACIÓN entre áreas
  • Se traballas a ABP… ou se aínda non…
  • Se queres descubrir qué é iso da cultura maker e como podes servirte dela para mellorar a motivación do teu alumnado
  • Se tes unha idea maker pero non tes claro como levala adiante
  • Se es director/a dun centro educativo e estás pensando en emprender un proceso de cambio para a incorporación destas tecnoloxías ó teu cole ou instituto

* * * * * * * *

A aprendizaxe inversa: Flipped Learning

Fundamentos e aplicación práctica con Raúl Santiago

Curso en Vigo o sábado 19 de xaneiro de 2019, de 9.30 h a 18.00 h.

Inscrición pechada para esta actividade.

Di Raúl Santiago que “a tecnoloxía non transforma a educación; unha boa metodoloxía, si”. Así que quizais chegou o momento de que nos fagamos algunhas preguntas porque, en maior ou menor medida, convives coa tecnoloxía ¿verdade? ¿Cres que podería ser a túa aliada, dentro e/ou fóra da aula? ¿Gustaríache sacarlle partido e utilizala como ferramenta ó servizo da aprendizaxe?

E desde o teu enfoque pedagóxico ¿es partidario da utilización de metodoloxías activas na aula? ¿Queres aprender a “darlle a volta” á clase? O modelo “Flipped Learning” pon o foco na aprendizaxe do alumno, non na ensinanza do mestre. Ven a descubrilo con Raúl Santiago, experto de máximo recoñecemento en España no modelo Flipped Classroom (FC).

Descarga aquí o folleto do Curso sobre Flipped Learning en Vigo